長實和和黃的大動作

嘩，長實同和黃終於出招了，和黃將會取消上市，長江變成長和，然後成立長地。整個改組其中一個最引人注意的地方是新的長和同長地會是在開曼群島註冊，不是在香港，即是它們遷冊了。

長和系在重組前後的架構大致如下：

改組後，長和會持有集團所有非地產的資產和投資，例如零售、碼頭、能源、電訊；而長地就時有地產、酒店等投資，你會喜歡那間多D？話時話，長實近來新投資的飛機租賃就會在長和了。我就會買晒兩間，但我心目中是長和的爆炸力會比純做地產的長地高，你又點睇呢？

循例地，李嘉誠被問到是否撤資，他 當然的答不是啦，你想佢答係咩，但佢對香港仲有無信心就心照啦。

我亦都不相信他是會即時撤資，始終佢係一個生意人，在香港仍有生意可做，仍有錢可賺，點解要即刻執包袱走人呢？但他已準備好隨時走人就好明顯了。他不斷的賣資產，將錢都投放在外地，資金的投放當然有很多考慮，例如歐洲的資產很平，會吸引到李生，但如果李生唔捨得香港的資產而要借錢去投資歐洲，我就唔信佢借唔到囉，出售香港而投資歐洲，那裡在他心中更有投資價值，不難了解吧。難道咁樣係有信心的表現嗎？

現在香港最有錢同最有影響力的人用真金白銀話你知佢對香港點睇，你明白嗎？他們口中講乜你可以唔信，你可以聽咗就算，但他們用真錢落注，留心了！

改組後，我估長和仍會使用0001的股票代號；而理論上和黃除牌後，長地再上市是會有新的股票代號，但我都估交易所會好合作咁比番0013這個號碼長地使用，在這件事上，你又點估呢？

長實一向同和黃的關係有D以小控大，又有所謂控股公司折讓，今次改組後，這些因素都消失了，我估計長實會有一輪向上的潛質，不得不留意呀！我地遲D又REVIEW吓，睇吓有無估錯。

市場又有了新的投資機會和藉口了，可能又有很多公司改組的炒作，更加可能亦有不少人跟李生行，但李生的行動令我對香港的前景更加擔心。