快速計算你的時薪

今天睇報紙，說道一個水喉匠的時薪是多少，一個開鎖佬又是多少咁，講到人地好高時薪（高達 630 至 1,000元）、好發。其實呢 D 真係無得眼紅人的，佢要接到你單生意先係咁人工，而且人地不是每日好多個鐘不停咁賺那個高時薪嗎，又可能幾日先發一次市，當然，當中梗有一些可以做到手無停，真係發咗。⋯⋯（可能仲稅都無交TIM）

不如計計我們自己的時薪吧。唔計你果 D 無得計亦都你老細唔會同你計的 OT，假設你每星期返 5日工，每日做 8小時，即是每星期做 40 小時。每年有 52個星期，當你有兩個星期大假，咁即係每年你要返工 50 個星期。50個星期，每個星期 40小時，即是每年做大約做 2,000 小時。咁時薪就易計了，將你的年薪除以 2,000 便是了。再快一D，你可以將年薪的數字減去最後的 3 個 0，然後除以 2，咁就係你的時薪了，這方法不錯架，好快就可得出大約的時薪，有個譜自己知嗎。

假如年薪是 300,000元，減去最後的 3 個 0，變成了 300，再除以 2 就成了 150元。

快快計吓你的時薪，睇吓係幾多啦。