" 中四的時候 中四的時候, 在學校裡不是那麼容易可以讀電腦呀, 要能夠入到理科的第一班才可以呀. 幸好我有得讀. 敗家的我, 讀電腦的時候當然就想買一部電腦啦, 虛榮心令我勇往直前, 終於千辛萬苦的, 左托右托朋友親戚買了我第一部電腦 – 8088. 那個年代在家中有電腦是不可思議的哦... 在學校中一路學回家一路玩, 仲有幾個怪獸級的同學一起不斷研究, 不亦樂乎.
一路玩一路就開始覺得有唔妥了. 點解我想打中文的時候要加一張倚天咭呢? 點解我每裝一件硬件又要裝driver 又要set 呢樣又要set 果樣呢? 點解我要記咁多command 呢? 點解部電腦好似唔係做緊我想佢做的東西呢吓? 點解唔係我用同埋玩電腦而係部電腦似乎玩緊我呢吓? 期間, 我假假地都學左兩年正式的電腦同埋考A 架噃, 無數寶貴的時間就此浪費了, 重點係問題未必解決到噃. 無數次的在黃金找答案時, 好似聽到有人講, 有d電腦好易用, 唔使點記command, 在螢光幕度點點下就得啦噃... 有咁神奇? 你玩咩, 電腦場乜都有得傳架啦, 你講就天下無敵. 叫你做就無能為力啦. 我繼續尋找答案把啦.
直到有一日, 我見到一樣野叫做wxxdows, 嘩, 真係可以用隻叫老鼠的東西點點下就得架. [註: 在可享受這一點之前, 閣下仍然係要開完機後入左去先得架 (如成功)]. 咁之前的傳言.... 後來我才知道在wxxdows 之前幾年, apple 已經用mouse, 一早已經係行gui... 真係鄉下仔. 之後我都有留意apple 的消息又出新機呀, 又有新野呀. 但最清楚的是 mac 是很貴的, mac 係做design 先用的, mac 係好麻煩的, 因為係小眾產品, 所以一直望而卻步.
但係隨著電腦在人生中越來越重要、用得越來越多, 我真係頂...... 唔順那些3.1, 3.11, 95, 98, 98se, xp, mistake edition, sp1, sp2, sp3, spx.. etc. 又話好user friendly 架啦現在, 做乜成日唔得架, 唔好hang 死啦, 大家要有得郁先有得整嗎. 我唔喜歡藍噃. 攪錯呀, 又話plug n play, 重要裝driver??? 仲要成日睇新聞, 睇下有無virus, 我讀bio, 但唔中意研究病毒嗎, 我又唔中意做(木)馬主; 我好中意睇007 同mission impossible 但唔中意有間諜在電腦入面嗎... 做乜咁煩架, 日日要裝 anti-x, y, z, 日日要update anti 乜乜乜. 今日做做下野又hang 機, 明日又話程式有問題要重裝, 重夠胆係我乜都無晒的時候, 問我回唔回報個問題比Microsoft公司, 你不如問下你公司諗唔諗住回水比我啦. 我買個電腦同software 番來做野架, 你做我係你個tester 呀, 未試好唔好賣呀嗎, 成日令我大失預算要由頭做過. 我現在最純熟就係鏟機同重裝. 簡直係怪獸級熟手技工呀. 用左十幾年pc, 我地關係越來越差. 我又要寫論文啦, 我點信靠佢呢???
" 終於我決定去睇下有無解決同解脫的辦法--- 有!! 唔好用pc, 原來mac 唔係好貴, 原來mac 唔使做designer 先啱用, 原來mac有好多freeware, 原來用mac d 人好鍾意答人問題, 有唔識一post 就有人答, 又可以email apple support. 一個月前我決定搏一搏買部mac 試下, 我電腦枱預了兩個位, 一個mac, 一個pc. 就算唔得都可以用番舊pc 嗎... 幾安全. 一星期後我決定成個枱面比晒mac 用, 因為咁靚d, 最重要係我對mac 很有信心, 很有信心無需要再開番部pc. 現在, 打算再買埋macbook pro, 但macbook 白肥又好似靚d, 總之係mac 啦. 用左十幾年pc, 簡直係痛苦同折磨, 但短短一個月後的今日, 我夠胆話, 我好鍾意mac 呀. "
到此, Apple 應該比番D宣傳費我~~~
No comments:
Post a Comment