177 平方呎的迷思

近來，一個即開賣的大型樓盤大埔嵐山提供一些實用面積只有177 至196平方呎的超小型單位，有人形容這些是劏房，也有人說發展商沒良心，也有人說...

但根據星島日報7月13日的報道，市區盤大角嘴奧朗．御峯，推售餘下全部100伙，市場消息指，即日沽出九成半單位，當中開放式及一房單位，更於開售後兩個多小時旋即「清袋」，買家以年輕人為主。訊息夠清楚了嗎?

或者會說177平方呎的單位實在是太細，但遊戲玩法從來都係今次賣177平方呎比人鬧細，咁下次賣D 150平方呎，再下次又賣D 120 平方呎，咁自然177尺同150平方呎果D 就唔再心人話細架啦。

對發展商而言，尺碼細D，尺價唔使減都唔會令售價太貴，又可以將頭頭尾尾的樓面面積賣埋，對地產商係太美好了。誰說一定要將幾百尺的單位的尺價減才可令多些人比得起首期，將單位減細間D都得架嗎，你住迫D未得囉!

唔好唔記得不久前我們見到200幾300平方呎的精品豪宅和開放式單位或美其名STUDIO FLAT也曾感覺到離譜吧，但最後這些小型單位一樣照賣清，我估呢次都會係咁，D人會一路鬧一路買，到時睇吓點。

不得不讚李生同佢D馬好野，今次諗到的綽頭是「1+親」: 嵐山1期提供196伙開放式單位，發展商將該戶型與相鄰的3房戶合併推廣，將2個單位合稱為「1+親」，針對分支家庭客。開放式單位實用面積由177至196平方呎不等，鄰近的3房戶實用面積就介乎905至949平方呎。惟發展商尚未落實是否為兩種戶型的關聯銷售，提供任何特別安排。我估佢又係會如果你買3房可優先買開放式單位咁啦。到賣完呢一批，百多尺成為新的Reference Point，可以尺價不落但單位再細D，令售價不會太高咁去貨，遲D真的有可能去到可能【迷你精品開放式個性品味生活空間】，大小100尺，售價200萬... 哈哈，咁即係20000元一尺啦! 但到時焦點係200萬樓呀，定係20000元一尺呢?

順帶一提，今天信報登了一些人均咕住面積數字: 香港 -- 140 平方呎; 東京-- 302; 上海-- 194; 新加坡-- 323 等等，香港是數字低的， 140平方呎會否是地產商一個目標呢? 係短期目標定係長期目標呢?