麥當勞

今天一家人出街，到了午餐肚餓的時候，便自然要想到那處吃東西的問題。走著走著，便發覺食肆不是很多人，便是價錢太貴。睇來今次最後的選擇不是大家樂便是麥當當，這些都是標準化的企業，價錢和食物質素也有了保證，不會亂來。附近没有大家樂；更加的是，因著近來食材的事件，我想總會令顧客對麥當當失去信心，今次都無人爭位啦睇怕，便去了光顧麥當當。誰不知，其門如市，無位！

幾經辛苦才等到一張枱，去叫嘢食吧，原來大家早已忘了食材事件的主角是麥樂雞，我見到很多人都照叫，不是六件，是九件。唔係嗎？咁大件事你地都唔怕死？我就話無錢要選擇萬花樓，各位咁有錢都來？來到仲要食返麥樂雞？我自己叫乜？麥樂雞加板燒雞腿包，後來我才醒覺板燒雞腿包也是受影響食材之一⋯⋯無話可說了。早知點都找間大家樂才幫襯啦。

我之後再想想自己和其他人做了些什麼。無錢想慳錢使我再次進入麥當當。無其他選擇使我再次踏入麥當當。習慣使我再次點了麥樂雞和板燒雞腿包。我真應該去大家樂。但等一等，不是很久以前，我也不是因一家樂太刻薄而信誓旦旦杯葛大家樂嗎？我做緊也呢？但XX茶餐
執咗、XX魚旦粉執咗、連Y記都無埋，你叫我可以點呢？

咁即係話，時間可以冲淡一切，現實可以要你再幫襯，習慣可以要你不知不覺再做相同的事。咁做生意仲使也驚做咗D衰嘢令顧客走晒呀？只要你平或你對手始終貴，或者係無對手，那怕無生意，顧客是善忘的，顧客是會在心甘情願的情況下再回來的，麥當勞今次連特別優惠都唔使D客已經返晒來，你話仲有誘因令佢地改善咩？我是不是太杞人憂天呢？