點會唔玩？！做地產好好搵

之前寫關於嵐山開售的消息時，曾經提過新地的山頂加列山道樓盤，那時估它會不會100,000元一呎：

之前的BLOG POST

答案今早開估了，新開出的答案是全部過100,000 元一呎，其中一號屋盛惠8.2億，即176,000 元一呎，夠顛嗎？(最平那間15號屋都3.93億呀)

新地（00016）山頂加列山道TWELVE PEAKS兩座標售的洋房上周宣布流標後，發展商重整旗鼓，昨天公布項目全數共12座洋房價單，價單計平均呎價12.7萬元，當中1號屋售價8.191億元，實用呎價高達17.6萬元，更屬驚人天價，除創本港呎價新高外，亦冠絕全球。

該項目地皮乃新地於2006年以18億元投得，樓面呎價約42,000元。項目共設有十二幢獨立屋，每幢提供獨立電梯及泳池，亦設有項目會所，每方呎管理費約8至10元。新地早前曾表示，項目花多年時間建造，屬集團近年建築費最貴之新盤，無論於用料及設計均極致完美，屬「心血結晶」之作，故會以惜售態度銷售樓盤，但沒打算將洋房保留作收租用途。

我當你每間平均賣5 億(計平咗架啦)，12間共值60億，對比起18億地價和那最貴的建築費你就會發現做地產真係好好賺，我就唔信係以10零20個巴仙咁賺啦。比你做地產發展商，你會唔會唔做這個在他們口中無厚利、只靠薄利多銷貨如輪轉的市場呀？

其實唔該政府唔好再打撃豪宅D炒賣啦，香港有一班人真係好有錢，呢班係真係有錢的專業炒家，就比佢地係呢D高端市場攪啦，唔好迫佢地來攪中細價樓嗎。有錢的只炒豪宅，唔睇中細價樓咁未好囉！