油

過去成個星期，我已經特登好忍手唔寫地溝油呢單嘢，但經過昨晚，真係心唔住。要極簡單咁廢UP 吓。件事 D DETAILS 都不寫了。

成件事大家都大致上知做乜，由最初台灣發現有事，香港 (尤其是 D官) 都擺出一副事不關己的模樣，只是隔岸觀火般睇戲。無人郁、無人理。甚至有人笑人地有問題 TIM。

好啦， 事情一路發展。到一天，一路漫延到爆出香港可能有食肆食品一樣受影響，用了問題油，件事開始有人關心了，香港人開始問政府發生乜事，關唔關我地事。我記得，開始時，香港個食安中心仲慢條斯理咁出來話，唔會公開那些可能受影響的商戶名稱，個理由我都唔記得係乜，我只記得我同屋企人講：咁我哋要食安中心來做乜，你無先見之明去找問題都無所謂，到你知道有問題又話唔會講進一步資料，你玩咩，係咪？

事情又發展多一陣，終於美心自己認佢用了有問題的油整菠蘿包，我又係覺得好神奇，原來美心會買唔同的油整唔同的包？咁得意？！食安中心講乜？美心的月餅合格。跟住大家樂自己承認用了問題油整西餐醬汁，匪夷所思嗎？無論如何，越來越多問題揭了出來，我們見到問題嚴重了，無錯，係我地自己看到。

事情一路擴大，多日來網上流傳不少有問題食肆名單的版本，人心惶惶。又有報導指出原來某些問題油的原料是由香港的公司出口給強冠的，事件好像星星之火。大部份消息是來自傳媒的，市民自己奔走相告的，政府做緊乜？

台灣方面有關人士又被捕、官員又落台。香港到呢兩三日才有人協助調查，進展無乜，反而記者最落力。我們用很高人工養的官同食安中心的角色真係少之又少，好似係度睇戲咁。久唔久出來搭兩句咀咁囉。

突然間，食安中心昨晚出了個官方的可能有問題的食肆名單，成 300多 400間，一係就無乜問題咁，話唔公開D 名，一有問題一公開就咁多，好難接受囉。點解要守咁耐秘密等我地食多幾日呢？可以比個理由嗎？

另外個 LIST都好有問題架，例如點解連鎖店會只係有其中一兩間分店用了問題油呢？我們一般人假設連鎖店會用同一個供應商合理吧？政府可唔可以鷙我地CLARIFY一下呢？

到了今天，食物及衛生局局長高永文竟然可以夠膽走出來講，劣質油事件涉及香港出口的豬油，對香港聲譽影響很大，必須正視云云。我就覺得有另外 D人令香港更蒙羞囉。

成件事只係令我覺得有一班人我們可以慳番唔養架囉。

仲有D 關於油的事，有時間再寫。